Gujarati Essay on "Modern Means of Entertainment", "મનોરંજનના આધુનિક માધ્યમો વિશે નિબંધ" for Students

Admin
1

Essay on Modern Means of Entertainment in Gujarati Language: In this article "મનોરંજનના આધુનિક માધ્યમો વિશે નિબંધ ગુજરાતી" for students of class 5, 6, 7, 8, 9, and 10.

Gujarati Essay on "Modern Means of Entertainment", "મનોરંજનના આધુનિક માધ્યમો વિશે નિબંધ" for Students

પ્રસ્તાવના: મનુષ્ય જ્યારે કામ કરતાં-કરતાં થાકી જાય છે, તો એને મનોરંજનની જરૂર હોય છે. થોડી વાર મનોરંજન કરવાથી એનું મન પ્રસન્ન થઈ જાય છે. એને નવી શક્તિ પ્રાપ્ત થઈ જાય છે અને તે ફરીથી કામમાં લાગી જાય છે. વિદ્યાર્થીઓથી લઈને મોટા અધિકારી સુધી પોતાનો થાક દૂર કરવા માટે મનોરંજન કરે છે. હકીકતમાં મનોરંજન મનુષ્યને નવી શક્તિ આપે છે. થાક દૂર કરે છે. જીવનમાં સ્કૂર્તિ લાવે છે. તેથી માનવ-જીવનમાં મનોરંજનની ખૂબ જરૂર છે.

પ્રાચીન સમયમાં મનોરંજનના સાધન: પોતાનું મન બહેલાવવા માટે મનુષ્ય અલગ-અલગ સાધન અપનાવતો આવ્યો છે. પ્રાચીનકાળમાં ચોપડ, બાજીગરના ખેલ, કઠપુતળીનો ખેલ, રામલીલા, પશુઓની લડાઈ, શિકાર વગેરે મનોરંજનના સાધન હતા. હવે તો ઘણાં ઓછા લોકો આ સાધનો દ્વારા પોતાનું મનોરંજન કરે છે.

રેડિયો અને ટેલીવિઝન: રેડિયો આધુનિક યુગમાં મનોરંજનનું સૌથી સસ્તુ અને સારું સાધન છે. પોતાના કામથી થાકીને વ્યક્તિ રેડિયો સાંભળીને પોતાનું મન બહેલાવી લે છે. રેડિયો તથા ટેલીવિઝન પર ગીતો, નાટક વગેરે સાંભળી તથા જોઈને કરોડો વ્યક્તિ પોતાનું મનોરંજન કરે છે.

સિનેમા: સિનેમા મનોરંજનનું એક મુખ્ય સાધન છે. જ્યારથી સિનેમાનો પ્રચાર વધ્યો છે, ત્યારથી સરકસ તથા થિયેટરનો પ્રચાર ઓછો થઈ ગયો છે. સિનેમાથી કરોડો વ્યક્તિ પ્રતિદિવસ મનોરંજન કરે છે. આ મનોરંજનનું ખૂબ સસ્તુ અને સારું સાધન છે.

રમત-ગમત દ્વારા મનોરંજન: આજે લાખો લોકો રમત-ગમત દ્વારા પોતાનું મનોરંજન કરે છે. વિદ્યાર્થીઓ માટે તો રમત-ગમત જ મનોરંજનનું સર્વશ્રેષ્ઠ સાધન છે. હૉકી, કુટબૉલ, વૉલીબૉલ તથા બેડમિંટન, દોડ, કૂદ વગેરે મનોરંજનના ઉત્તમ સાધન છે. દિવસભરના કામથી થાકેલો વ્યક્તિ આ રમતોને રમીને પ્રસન્ન થઈ જાય છે અને પછી પોતાના કામમાં લાગી જાય છે.

મનોરંજનના ઘરેલૂ સાધન: કેટલાંક લોકો ઘરની બહાર જવાનું પસંદ નથી કરતાં. તેઓ ઘરમાં જ રહીને પોતાનું મનોરંજન કરી લે છે. કોઈ વાર્તા કે નવલકથા વાંચીને પ્રસન્ન થાય છે, તો કોઈ સિતાર, વાંસળી કે પિયાનો વગાડીને પોતાનું મનોરંજન કરે છે. કેટલાય લોકો પોતાના મિત્રોની સાથે બેસીને પત્તા રમવાનું પસંદ કરે છે, તો કેટલાય ટેપરેકૉર્ડર પર ગીતો સાંભળે છે, જેની જેવી રુચિ હોય છે, તે એવા જ સાધન અપનાવી લે છે. 

ઉપસંહાર: કેટલાંક લોકો નશો કરીને પણ પોતાનું મનોરંજન કર્યા કરે છે. પરંતુ નશો કે જુગાર મનોરંજનના નુકસાનકારક સાધન છે. એનાથી એક તરફ ધનની બરબાદી થાય છે તથા બીજી તરફ સ્વાથ્ય પણ ખરાબ થાય છે. તેથી જે સાધન નુકસાનકારક છે, એમને ક્યારેય ના અપનાવવા જોઈએ. હકીકતમાં જે લોકો શારીરિક કાર્ય કરે છે, એમને મનોરંજનના ઘરેલૂ સાધન અપનાવવા જોઈએ અને જે લોકો માનસિક કાર્ય કરે છે, એમને ભાગ-દોડના સાધન અપનાવવા જોઈએ.

Post a Comment

1Comments
Post a Comment

#buttons=(Accept !) #days=(20)

Our website uses cookies to enhance your experience. Learn More
Accept !