Sunday, 16 August 2020

Punjabi Essay on "Maharaja Ranjit Singh", “ਮਹਾਰਾਜਾ ਰਣਜੀਤ ਸਿੰਘ ਤੇ ਪੰਜਾਬੀ ਲੇਖ”, Punjabi Essay for Class 5, 6, 7, 8, 9 and 10

Essay on Maharaja Ranjit Singh in Punjabi Language: In this article, we are providing ਮਹਾਰਾਜਾ ਰਣਜੀਤ ਸਿੰਘ ਤੇ ਪੰਜਾਬੀ ਲੇਖ for students. Punjabi Essay/Paragraph on Maharaja Ranjit Singh.

Punjabi Essay on "Maharaja Ranjit Singh", “ਮਹਾਰਾਜਾ ਰਣਜੀਤ ਸਿੰਘ ਤੇ ਪੰਜਾਬੀ ਲੇਖ”, Punjabi Essay for Class 5, 6, 7, 8, 9 and 10

ਸਾਰੇ ਪੰਜਾਬ ਅੰਦਰ ਸਾਂਝੀਵਾਲਤਾ ਦੇ ਤੌਰ ਤੇ ਜਿਹੜੇ ਰਾਜੇ ਨੂੰ ਜਾਣਿਆ ਜਾਂਦਾ ਹੈ ਉਹ ਸਨ ਸ਼ੇਰ-ਏ-ਪੰਜਾਬ ਮਹਾਰਾਜ ਰਣਜੀਤ ਸਿੰਘ । ਇਹਨਾਂ ਦੀ ਸੂਝ ਬੂਝ ਤੇ ਦੂਰ ਅੰਦੇਸ਼ੀ ਦਾ ਅੰਗਰੇਜ਼ ਵੀ ਲੋਹਾ ਮੰਨਦੇ ਸਨ । 

ਇਸੇ ਹੀ ਸ਼ੇਰ-ਏ-ਪੰਜਾਬ ਦਾ ਜਨਮ 1780 ਈਸਵੀ ਨੂੰ ਗੁਜਰਾਂਵਾਲਾ (ਪਾਕਿਸਤਾਨ) ਵਿੱਚ ਸ਼ੁਕਰਚੱਕੀਆ ਮਿਸਲ ਦੇ ਉੱਘੇ ਸਰਦਾਰ ਮਹਾਂ ਸਿੰਘ ਦੇ ਘਰ , ਸਰਦਾਰਨੀ ਰਾਜ ਕੌਰ ਦੀ ਕੁੱਖੋਂ ਹੋਇਆ । ਛੋਟੀ ਉਮਰ ਹੀ ਆਪ ਨੂੰ ਚੇਚਕ ਨੇ ਘੇਰ ਲਿਆ । ਜਿਸ ਦੇ ਸਦਕਾ ਆਪ ਦੀ ਇੱਕ ਅੱਖ ਦੀ ਰੋਸ਼ਨੀ ਜਾਂਦੀ ਰਹੀ । ਬਚਪਨ ਵਿੱਚ ਆਪ ਦਾ ਨਾਂ ਬੁੱਧ ਸਿੰਘ ਸੀ । ਲੇਕਿਨ ਜਦੋਂ ਆਪ ਦੇ ਪਿਤਾ ਜੀ ਜੰਗ ਜਿੱਤ ਕੇ ਆਏ ਤਾਂ ਉਹਨਾਂ ਨੇ ਆਪ ਦਾ ਨਾਂ ਰਣਜੀਤ ਸਿੰਘ ਰੱਖਿਆ । 

12 ਵਰਿਆਂ ਦੀ ਉਮਰ ਵਿੱਚ ਆਪ ਦੇ ਪਿਤਾ ਜੀ ਪਰਲੋਕ ਗਮਨ ਕਰ ਗਏ । ਜਿਸ ਕਾਰਣ 1792 ਵਿੱਚ ਮਿਸਲ ਦੇ ਰਾਜ ਦਾ ਸਾਰਾ ਭਾਰ ਆਪ ਦੇ ਮੋਢਿਆਂ ਤੇ ਆ ਪਿਆ | ਜਿਸ ਕਾਰਣ ਆਪ ਨੂੰ ਸਿੱਖਿਆ ਪ੍ਰਾਪਤ ਕਰਨ ਦਾ ਮੌਕਾ ਹੀ ਨਹੀਂ ਮਿਲਿਆ ।

ਘਨਈਆ ਮਿਸਲ ਦੀ ਸਰਦਾਰਨੀ ਸਦਾ ਕੌਰ ਦੀ ਸਪੁੱਤਰੀ ਮਹਿਤਾਬ ਕੌਰ ਨਾਲ ਸੰਨ 1796 ਈਸਵੀ ਵਿੱਚ ਆਪ ਦਾ ਵਿਆਹ ਕਰ ਦਿੱਤਾ ਗਿਆ । ਆਪ ਉੱਚੇ ਕੱਦ ਕੱਠ ਦੇ ਉੱਚੇ ਨੌਜਵਾਨ ਸਨ | ਭਾਵੇਂ ਕਿ ਆਪ ਦੇ ਚਿਹਰੇ ਤੇ ਚੇਚਕ ਦੇ ਦਾਗ਼ ਸਨ ਲੇਕਿਨ ਫੇਰ ਵੀ ਚਿਹਰੇ ਉੱਤੇ ਏਨਾਂ ਜਲਾਲ ਸੀ ਕਿ ਵੇਖਣ ਵਾਲੇ ਦੰਗ ਰਹਿ ਜਾਂਦੇ ਸਨ ।

ਸ਼ੇਰ-ਏ-ਪੰਜਾਬ ਮਹਾਰਾਜਾ ਰਣਜੀਤ ਸਿੰਘ ਨੇ ਸਿੱਖਾਂ ਦੀਆਂ ਵੱਖਰੀਆਂਵੱਖਰੀਆਂ ਮਿਸਲਾਂ ਨੂੰ ਇੱਕ ਝੰਡੇ ਥੱਲੇ ਲਿਆਂਦਾ । 1799 ਈਸਵੀ ਵਿੱਚ ਆਪ ਨੇ ਲਾਹੌਰ ਨੂੰ ਆਪਣੇ ਅਧੀਨ ਲਿਆਂਦਾ । ਜਿਸ ਦੇ ਫਲਸਰੂਪ 1802 ਈਸਵੀ ਨੂੰ ਆਪ ਨੇ “ਸ਼ੇਰ-ਏ-ਪੰਜਾਬ', ਦੀ ਉਪਾਧੀ ਧਾਰਨ ਕੀਤੀ । ਇਸ ਤੋਂ ਬਾਅਦ ਨੌਸ਼ਹਿਰਾ, ਪਨੂੰ, ਜਮਰੌਦ, ਪਿਸ਼ਾਵਰ, ਕਾਂਗੜਾ, ਲੱਦਾਖ, ਕਸ਼ਮਰੀ, ਕਾਬੁਲ ਅਤੇ ਤਿੱਬਤ ਵਰਗੇ ਇਲਾਕਿਆਂ ਨੂੰ ਵੀ ਆਪ ਨੇ ਆਪਣੇ ਅਧੀਨ ਕਰ ਲਿਆ । ਸਰਦਾਰ ਹਰੀ ਸਿੰਘ ਨਲੂਏ ਦੀ ਕਮਾਨ ਹੇਠ ਆਪ ਦੀਆਂ ਫ਼ੌਜਾਂ ਨੇ ਹਰ ਮੈਦਾਨ ਵਿੱਚ ਜਿੱਤ ਪ੍ਰਾਪਤ ਕੀਤੀ । ਆਪ ਦੀ ਇਸੇ ਹੀ ਬਹਾਦਰੀ ਨੂੰ ਵੇਖ ਕੇ ਹੀ ਅੰਗਰੇਜ਼ਾਂ ਨੇ ਆਪ ਨਾਲ ਅਮਨ ਤੇ ਮਿੱਤਰਤਾ ਦੀ ਸੰਧੀ ਕਰ ਲਈ । ਸਤਲੁਜ ਦਰਿਆ ਦੀ ਦੇਨਾਂ ਦੇਸ਼ਾਂ ਨੇ ਹੱਦ ਮੰਨ ਲਈ. ।

ਆਪ ਦੇ ਦਰਬਾਰ ਵਿੱਚ ਹਰ ਧਰਮ ਦੇ ਲੋਕ ਉੱਚੀਆਂ-ਉੱਚੀਆਂ ਪਦਵੀਆਂ ਉੱਤੇ ਲੱਗੇ ਹੋਏ ਸਨ । ਅਨਪੜ ਹੁੰਦਿਆਂ ਵੀ ਆਪ ਨੇ ਬੜੀ ਹੀ ਨਿਪੁੰਣਤਾ ਨਾਲ ਰਾਜ ਨੂੰ ਚਲਾਇਆ । ਮਹਾਰਾਜਾ ਰਣਜੀਤ ਸਿੰਘ ਇੱਕ ਬਹਾਦਰ ਯੋਧੇ ਸਨ । ਜਿਸ ਕਰਕੇ ਆਪ ਦੀ ਸ਼ਕਤੀ ਦੀਆਂ ਧੁੰਮਾਂ ਪੂਰੇ ਯੂਰਪ ਤੱਕ ਫੈਲੀਆਂ ਹੋਈਆਂ ਸਨ | ਸਾਰੇ ਪੰਜਾਬੀਆਂ ਦਾ ਹਰਮਨ ਪਿਆਰਾ ਮਹਾਰਾਜਾ | 833 ਈਸਵੀ ਨੂੰ ਲੰਮੀ ਬੀਮਾਰੀ ਤੋਂ ਬਾਅਦ ਅਕਾਲ ਚਲਾਣਾ ਕਰ ਗਿਆ । ਮਹਾਰਾਜੇ ਦੇ ਅੱਖਾਂ ਮੀਟਦੇ ਹੀ ਸਾਰਾ ਖਾਲਸਾ ਰਾਜ ਖੇਰੂੰ ਖੇਰੂੰ ਹੋ ਗਿਆ ।


SHARE THIS

Author:

I am writing to express my concern over the Hindi Language. I have iven my views and thoughts about Hindi Language. Hindivyakran.com contains a large number of hindi litracy articles.

0 comments: