Sunday, 16 February 2020

डॉ. बाबासाहेब आंबेडकर मराठी निबंध Essay on Babasaheb Ambedkar in Marathi Language

Essay on Babasaheb Ambedkar in Marathi Language : Today, we are providing डॉ. बाबासाहेब आंबेडकर मराठी निबंध भाषण For class 5, 6, 7, 8, 9, 10, 11 & 12. Students can Use Essay on Babasaheb Ambedkar in Marathi Language to complete their homework. 

डॉ. बाबासाहेब आंबेडकर मराठी निबंध Essay on Babasaheb Ambedkar in Marathi Language

गाठिले संघर्षातून
उंच ज्ञानाचे शिखर
ज्ञान तेज होते भीमाचे
सूर्य तेजाहून प्रखर
सर्व भारतभूमीवर
पोलादापरी कणखर
असा होता एक नर
त्याचे नाव होते
भीमराव रामजी आंबेडकर.
१४ एप्रिल १८९१ रोजी मध्य भारतातील महू या ठिकाणी रामजी आणि भीमाबाई यांच्या पोटी एक पुत्ररत्न जन्मास आले, ज्याचे नाव ठेवले भीमराव. भीमराव हे हिंदू समाजातील अस्पृश्य जातीत जन्मलेल्या आपल्या आईवडिलांचे चौदावे अपत्य होते.
रामजी यांनी भीमरावांना शिक्षणाची गोडी लागावी, त्यांचे चारित्र्य उत्तम घडावे म्हणून रामायण, महाभारताबरोबरच उत्तमोत्तम ग्रंथ वाचावयास दिले.
Read also : महात्मा गांधी निबंध मराठी
त्याकाळी शूद्रांना समाजात राहून शिक्षण घेण्याचा किंवा धनसंपत्ती मिळविण्याचा अधिकार नव्हता. जातिभेदांवर आधारलेली हिंदू समाजाची चौकट तोडून टाकल्याशिवाय अस्पृश्यता नष्ट होणार नाही, हे त्यांनी ओळखले.
गौतम बुद्ध, कबीर आणि जोतिबा फुले हे त्यांचे तीन गुरू होते.
बौद्ध धर्म जातपात मानत नाही. फक्त बौद्ध धर्मच जगाचं कल्याण करू शकेल, असा बाबासाहेबांचा विश्वास होता; म्हणूनच त्यांनी बौद्ध धर्म स्वीकारला.
जोतिबांनी सामाजिक प्रवाहाविरुद्ध जाऊन असाध्य धैर्य गाठले. समाजात नवविचार जागृत करून त्याला पुनर्जीवन प्राप्त करून देण्याचे महान कार्य केले.
Read also : मदर टेरेसा ची मराठी मधे माहिती
'ज्ञान म्हणजे सामर्थ्य, हे सामर्थ्य पुरेपूर आत्मसात केल्याशिवाय अस्पृश्यांना जखडून ठेवणाऱ्या बंधनातून, गुलामगिरीतून मुक्त करणे अशक्य. हे ओळखून स्वतः बाबासाहेबांनी हिंदू, ख्रिश्चन, बौद्ध आणि इस्लाम या धर्मांचा सखोल अभ्यास केला.
माणसाला जगण्यासाठी जेवढी अन्नाची गरज आहे, तेवढीच विद्येचीही आहे. कोणाचीही याचना न करता स्वाभिमानाने जगण्याची शिकवण बाबासाहेबांनी समाजाला दिली. तसेच माणसाने शीलसंवर्धन करायला हवे. दगाबाजी, फसवणूक, व्यसने अशा गोष्टींपासून दूर राहावे, हेही सांगितले.
अस्पृश्यांमध्ये जागृती व्हावी म्हणून ३१ जानेवारी, १९२० रोजी 'मूकनायक' या नावाचे वृत्तपत्र त्यांनी सुरू केले. महाड येथील चवदार तळ्याचा सत्याग्रह, मंदिर प्रवेश, पुणे करार, धर्मांतराची घोषणा, राज्यघटना, धर्मांतर असे अनेक महत्त्वाचे टप्पे बाबासाहेबांच्या जीवनाशी निगडित आहेत.
Read also : किरण बेदी मराठी निबंध
दलितांना आत्मविश्वास, स्वावलंबन आणि आत्मसन्मान बाबासाहेबांनीच मिळवून दिला.
त्यांनी अमेरिकेत जाऊन धर्मशास्त्र, अर्थशास्त्र, तर्कशास्त्र, राज्यशास्त्र, कायदा, इतिहास अशा अनेक विषयांचा प्रगाढ अभ्यास केला.
इ.स. १९९० साली भारताच्या राज्यघटनेच्या या शिल्पकाराला 'भारतरत्न' या सर्वोच्च पुरस्काराने गौरवण्यात आले.
आपल्या बांधवांना प्रगतीचा, प्रकाशाचा, समानतेचा आणि मानवतेचा नवा मार्ग दाखवणाऱ्या या महामानवाचे ६ डिसेंबर, १९५६ रोजी महापरिनिर्वाण झाले.
गांधीजींनी भारताला 'सत्याग्रह' शिकविला, लोकमान्यांनी 'कर्मयोगा'चा मार्ग दाखवला. त्याचप्रमाणे 'समता योग' हा डॉ. आंबेडकरांच्या जीवनाचा महान संदेश आहे.
चांदण्याची छाया, कापराची काया,
माऊलीची माया होता माझा भीमराया
आंतरराष्ट्रीय कायदेपंडित, बॅरिस्टर, डॉक्टरेट पदवीधारक, सुसंस्कृत, बुद्धिवान, कर्तृत्ववान, भारतरत्न, क्रांतिसूर्य, दलितांचे बाबा, राज्यघटनेचे शिल्पकार अशी बिरुदावली असणाऱ्या बाबासाहेबांना माझे कोटी-कोटी प्रणाम!

SHARE THIS

Author:

I am writing to express my concern over the Hindi Language. I have iven my views and thoughts about Hindi Language. Hindivyakran.com contains a large number of hindi litracy articles.

0 comments: