Friday, 14 February 2020

मदर टेरेसा ची मराठी मधे माहिती Mother Teresa Chi Mahiti Marathi Madhe

Mother Teresa Chi Mahiti Marathi Madhe : Today, we are providing मदर टेरेसा ची मराठी मधे माहिती For class 5, 6, 7, 8, 9, 10, 11 & 12. Students can Use Mother Teresa Chi Mahiti Marathi Madhe to complete their homework. 

मदर टेरेसा ची मराठी मधे माहिती Mother Teresa Chi Mahiti Marathi Madhe

"देवा माझ्या हातून तुझ्यासाठी अजूनही काहीतरी सुंदर घडू दे. जेव्हा मी उपाशी होते तेव्हा तू मला खायला दिलंस. जेव्हा मी तृषार्त होते तेव्हा तू मला पाणी दिलंस. दीन-दुबळ्या, अनाथ, गरीब, पीडित व्यक्तींमध्ये तूच राहतोस. त्यांची सेवा म्हणजे तुझीच सेवा.
Read also : महात्मा गांधी निबंध मराठी
मला बळ दे. माझ्या श्रमांना आणि श्रद्धेला तुझा दैवी आशीर्वाद दे."
मदर हाऊसमध्ये कोलकात्याचं आणि सर्व जगाचंच ओझं शिरावर घेऊन गुडघे टेकून ती ताठ बसते. डोळे मिटते आणि थेट देवाशीच संवाद सुरू करते.
उत्तर मॅसिडोनिया म्हणजे अल्बेनियामधील स्कोपेजे राजधानीमध्ये निकोला व ड्रेनाफिल या जोडप्याच्या पोटी २६ ऑगस्ट, १९१० रोजी एक सुदृढ बालिका जन्माला आली. तिचं नाव अग्नेस ठेवलं. तिची आई गोरगरिबांची सेवा करायची. त्याचा प्रभाव अॅग्नेसवर पडला. वयाच्या १२व्याच वर्षी तिने 'नन' होण्याचा निश्चय केला. १९२८ मध्ये आपले कुटुंब, देश, सर्वस्वाचा त्याग करून युगोस्लाव्हियात जन्मलेली एक युरोपियन मुलगी नन व्हायला भारताकडे निघाली. कर्मभूमी म्हणून तिनं भारताची निवड केली. कारण भारत ही सत्कार्य रुजवून घेणारी भूमी! आणि म्हणून कोलकात्याजवळ एन्टलीच्या सेंट मेरी स्कूलमध्ये शिक्षिका म्हणून आपल्या कार्याला सुरुवात केली. गरिबांवर होणारे अत्याचार, गरिबांचा कोंडमारा, त्यांच्या यातना पाहून त्या दुःखी झाल्या.
Read also : सुमंत मुळगावकर माहिती मराठी
हे सर्व पाहून आपला जन्म दीन-दलितांच्या सेवेसाठी आहे, हे त्यांना उमगले. झोपडपट्टीत राहणारी अर्धनग्न बालके, कुपोषित मुले व अस्वच्छता पाहून याच गोरगरिबांना सर्वस्व अर्पण करायचे त्यांनी ठरविले. मदरने दीन-दुबळ्यांसाठी शाळा सुरू केल्याचे समजताच शाळेसाठी अनेकांनी मदतीचे हात पुढे केले. गरीब, निराश्रित स्त्रियांना मायेनं जवळ केलं. त्यांच्यासाठी 'निर्मल हृदय' नावाची संस्था स्थापन केली.
खोडकर, उपद्व्यापी किंवा गुन्हेगारी प्रवृत्तीच्या मुलांसाठी 'निर्मल शिशुभवन' स्थापन केले.
गरिबांच्या सेवेचा विडा त्यांनी उचलला होता. त्यांची अविरत काम करण्याची क्षमता पाहून रेडक्रॉसचे अधिकारीही थक्क व्हायचे. १९८२ मध्ये बैरूतमधील स्फोटक परिस्थितीत त्यांनी अनेक मुलांची काळजी घेतली.
Read also : हुंडा एक सामाजिक समस्या मराठी निबंध
क्षमा हा मदर तेरेसांच्या संदेशाचा गाभा आहे. त्या म्हणतात 'क्षमेशिवाय खरे प्रेम जगात असूच शकत नाही. आपल्या सेवाभावी कार्याने मदर तेरेसा सगळ्यांची विश्वमाता बनल्या. त्यांना अनेक राष्ट्रीय पुरस्कारांनी गौरविण्यात आलं. त्या भारतातील पहिल्या महिला नोबेल पारितोषिक विजेत्या ठरल्या. पहिला 'राजीव गांधी सद्भावना पुरस्कार' भारत सरकारनं त्यांना दिला.
मदर तेरेसा यांनी कुष्ठरोग्यांना आश्रय देऊन त्यांची मनोभावे सेवाशुश्रूषा केली. कुष्ठरोग्यांना औषधोपचार करून स्वयंरोजगारही उपलब्ध करून दिला. ११९ कुष्ठधाम केंद्रे त्यांनी चालवली.
१९६२ मध्ये रेमन मॅगसेसे,१९७२ मध्ये जवाहरलाल नेहरू पुरस्कार, युनेस्को शांतता पुरस्कार, भारत शिरोमणी, भारतरत्न अशा अनेक पुरस्कारांनी त्यांना गौरविण्यात आलं. १९८३ चा ब्रिटिश राजघराण्याचा 'ऑर्डर ऑफ मेरिट' हा बहुमान मदर तेरेसांना मिळाला. टेपलटन या अमेरिकन उद्योगपतीने धर्मासाठी सर्वस्व वाहून घेतलेल्या मदर तेरेसांना हा पुरस्कार जाहीर केला. सर्व धर्माच्या पलीकडे गेलेला 'मानवता धर्म' त्यांनी निवडला होता म्हणून!
Read also : किरण बेदी मराठी निबंध
जगातील सर्वांत जास्त पारितोषिक मिळविणारी व्यक्ती म्हणून मदर तेरेसांचा उल्लेख होतो.
निःस्पृह मनाने केलेल्या कार्याबद्दल त्यांना मिळालेले पुरस्कार हे त्यांच्या कार्याचा गौरवच आहेत. त्यांनी केलेले कार्य त्यांच्या पारितोषिकांपेक्षा कितीतरी पटींनी मोठे आहे. प्रेम, उत्कट इच्छा, परिश्रम, प्रभूवर नितांत श्रद्धा असणाऱ्या या महान समाजसेविका ५ सप्टेंबर, १९९७ रोजी स्वर्गवासी झाल्या. आज भारतात मिशनरीज ऑफ चॅरिटीचे २५ शहरांमध्ये मिळून १४६ हाउसेस आहेत. त्यातील ९७ कोलकता येथे आहेत, तर जगातल्या ७१ देशांमध्ये मिळून ३५० हाउसेस आहेत.

SHARE THIS

Author:

I am writing to express my concern over the Hindi Language. I have iven my views and thoughts about Hindi Language. Hindivyakran.com contains a large number of hindi litracy articles.

0 comments: