Letter to Younger Sister Describing Mother's Day in Odia Language

Admin
0

Letter to Younger Sister Describing Mother's Day in Odia Language: In this article you will get ମାତୃପିତୃ ପୂଜନ ଦିବସ କିପରି ତୁମ ବିଦ୍ୟାଳୟରେ ପାଳନ କରାଗଲା । ଲେଖି ସାନଭଉଣୀ ନିକଟକୁ ପତ୍ର ଲେଖ ।  Sana bhauni Nikataku Patra in Odia

Letter to Younger Sister Describing Mother's Day in Odia Language

ପୁରୁଣା ଭୁବନେଶ୍ଵର

ତା...........

କଲ୍ୟାଣୀୟା କୁନ୍ତି,

ସୁଦୁରରୁ ମୋର ଆଶୀର୍ବାଦ ଗ୍ରହଣ କରିବା ସହିତ ବୋଉକୁ ମୋର ଭୂମିଷ୍ଠ ପ୍ରଣାମ ଜଣାଇ ଦେବୁ । ପରମ କରୁଣାମୟ ଶ୍ରୀ ଲିଙ୍ଗରାଜଙ୍କ କରୁଣାରୁ ବର୍ତ୍ତମାନ ମୋ’ ଶରୀର ଭଲ ରହୁଛି । ଆଉ ପୂର୍ବପରି ଅସୁସ୍ଥତା ନାହିଁ । ତୁମେମାନେ ସେଠାରେ ଭଲରେ ଥିବ ।

ଆମ ବିଦ୍ୟାଳୟରେ ଗତ ୧୪ ଫେବ୍ରୁୟାରୀ ମାସରେ ମାତୃପିତୃ ପୂଜନ ଦିବସ ମହା ସମାରୋହରେ ପାଳିତ ହୋଇଥିଲା । କିନ୍ତୁ ଆମେ ବିଦ୍ୟାଳୟରେ ଯେତେ ପିଲା ପଢୁଛୁ ସେମାନଙ୍କ ମଧ୍ୟରୁ ଅଧୁକାଂଶ ଛାତ୍ରଛାତ୍ରୀଙ୍କର ବାପାମାଆ ଆସିଥିଲେ । ଯେଉଁମାନଙ୍କର ବାପାମା’ ଆସିନଥିଲେ କିମ୍ବା ନାହାନ୍ତି, ସେମାନେ ଅନ୍ୟ ପିଲାଙ୍କ ଅଭିଭାବକ ଅଥବା ବିଦ୍ୟାଳୟର ଗୁରୁଜୀ, ଗୁରୁମା(ଅପା)ମାନଙ୍କୁ ପୂଜିଲେ । ମୋ’ ଆଖୁରୁ ପୂଜାବେଳେ ଝରଝର ହୋଇ ଲୁହ ଝରି ଚାଲିଲା । ଯେଝା ବାପାମାଆଙ୍କୁ ବସାଇ ଛାତ୍ରଛାତ୍ରୀମାନେ ଧୂପ,ଦୀପ ଓ ଫୁଲମାଳ ଦ୍ବାରା ବନ୍ଦାପନା କରୁଥିଲେ । ନିଜ ହାତରେ ମିଠା ଖୁଆଇ ଦେଉଥିଲେ । ସମସ୍ତଙ୍କ ମୁହଁରେ ହସ ଉଛୁଳୁଥିଲା । ଆମ ବିଦ୍ୟାଳୟ ପୂଜାଗୃହଟି ସତେଯେମିତି ଏକ ମନ୍ଦିର ଏବଂ ସେଠାରେ ସକାଳ ଆଳତି ହେଲାପରି ବୋଧ ହେଉଥିଲା । ତୁ ଭଲ ଭାବରେ ଜାଣୁ ମା’ବାପାଙ୍କ ଠାରୁ ଏ । ସଂସାରରେ ବଡ଼ କେହି ନାହାନ୍ତି । ତେଣୁ କୁହାଯାଇଛି-

"ପିତାମାତା ପରି ଆଉ କେ ଅଛି ସଂସାରେ

ଧନ୍ୟ ସେ ଯେ ଦିଏ ପ୍ରାଣ ତାଙ୍କରି ସେବାରେ ।”

ପିତାମାତାମାନେ ପୁତ୍ର କନ୍ୟା ମାନଙ୍କର ମୁଣ୍ଡ ଆଉଁଶି ଆଶୀର୍ବାଦ କରୁଥାନ୍ତି । ଗୀତ ବୋଲା ହେଉଥାଏ ।

"ଭୁଲିଯାଅ ପଛେ ସଭିଙ୍କୁ

ଭୁଲନାହିଁ ମାଆ ବାପାଙ୍କୁ ।"

କେତେ ଜଣ ପିତାମାତାଙ୍କ ଚକ୍ଷୁରୁ ଲୋତକ ଝରିଯାଉଥାଏ । ଦୁଇ ତିନି ଜଣ ପିଲା ଶଙ୍ଖ ଆଣି ବଜାଉଥାଆନ୍ତି । ବାପାମା’ଙ୍କୁ ମିଠା ଖୁଆଇ ପିଲାଏ କୁଣ୍ଡାଇ ପକାଉଥାନ୍ତି । ପୁତ୍ର କନ୍ୟା ମାନଙ୍କର ଏହି ଭାବଧାରା ଚିରଦିନ ଜାଗ୍ରତ ହୋଇ ରହିଲେ ଆଉ ଜରାଶ୍ରମର ଆବଶ୍ୟକତା ପଡନ୍ତା ନାହିଁ । ବୁଝିଲୁ କୁନୁ ! ଏହି ମାତୃପିତୃ ପୂଜନ କାର୍ଯ୍ୟକ୍ରମ ଆମ ରାଜ୍ୟର ପ୍ରତି ବିଦ୍ୟାଳୟରେ ଅନ୍ୟ ସବୁ ରାଜ୍ୟ ପରି ବାଧ୍ୟତାମୂଳକ ହେବା ଆବଶ୍ୟକ । ପ୍ରଭୁ ଶ୍ରୀରାମଚନ୍ଦ୍ର ମଧ୍ୟ ପ୍ରତିଦିନ ବାପା, ମାଆ ଓ ଗୁରୁଙ୍କ ପାଦ ତଳେ ମୁଣ୍ଡିଆ ମାରୁଥିଲେ । ଆମ ସଂସ୍କୃତି ପାଇଁ ଏହା ମଙ୍ଗଳକର । ଭାଲେଣ୍ଟାଇନ୍ ଡେକୁ ପାଳନ କରି ଯୁବଶକ୍ତି ପତନ ଆଡ଼କୁ ଯାଉଥିବାରୁ ସନ୍ଥ ଶ୍ରୀ ଆଶାରାମଜୀ ବାପୁ ଏହି ଦିନ ବିଗତ କିଛି ବର୍ଷ ହେଲା ଏହି ଉତ୍ସବକୁ ପାଳନ କରିବାକୁ ଜନସମାଜକୁ ପ୍ରେରଣା ଓ ଉତ୍ସାହ ଦେଇ ଆସୁଛନ୍ତି । ସେ ଏହି ମହାନ୍ ଦିବସର ପ୍ରବର୍ତ୍ତକ । ଶ୍ରବଣ କୁମାର କିପରି ମାତୃପିତୁ ସେବା କରୁଥିଲେ ଏବଂ ଶ୍ରୀ ଗଣେଶ କିପରି ମାତାପିତାଙ୍କୁ ପରିକ୍ରମା କରି ଅଗ୍ରପୂଜ୍ୟ ହେଲେ ତୁ ତ ଜାଣୁ । ହଉ, ଘରକୁ ଗଲେ ସବୁ କଥା ହେବା । ମୁଁ ପରୀକ୍ଷା ପରେ ପରେ ଘରକୁ ନିଶ୍ଚୟ ଯିବି । ଆରବର୍ଷକୁ ଘରେ ଏକାଠି ମିଶି ଏଇ ଦିବସକୁ ପାଳିବା । ବହୁତ ଖୁସି ଲାଗିବ । ରହିଲି ।

ଇତି

ତୋର ଶୁଭମନାସକ ବଡ଼ଭାଇ

ମାନସ

ଠିକଣା ଡାକ ଚିକେଟ୍

ପ୍ରେରକ: ଗ୍ରାହକ :

ମାନସରଞ୍ଜନ ଦାଶ ସୁପ୍ରିୟା ଦାଶ

ଶ୍ରୀ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ର ମାର୍ଫତ୍ : ଭାନୁମତୀ ଦାଶ

ପୁରୁଣା ଭୁବନେଶ୍ଵର ସାପୋ: ବିରିବାଟି

ଜି: ଖୋର୍ଦ୍ଧା ଜି: କଟକ

ପିନ୍କୋଡ୍ : ପିନ୍କୋଡ୍ :

Post a Comment

0Comments
Post a Comment (0)

#buttons=(Accept !) #days=(20)

Our website uses cookies to enhance your experience. Learn More
Accept !