Odia Complaint Letter to Mahila Commission for the Prevention of Violence against the Bride

Admin
0

Odia Complaint Letter to Mahila Commission for the Prevention of Violence against the Bride

ବଧୁ ନିର୍ଯାତନା ରୋକିବାପାଇଁ ରାଜ୍ୟ ମହିଳା କମିଶନଙ୍କ ନିକଟକୁ ଅଭିଯୋଗ ପତ୍ରଟିଏ ଲେଖ ।

ମାନନୀୟା, ଅଧ୍ୟକ୍ଷା, ରାଜ୍ୟ ମହିଳା କମିଶନ, ଭୁବନେଶ୍ୱର

ମହୋଦୟା...........................ସମୀପେଷୁ

ବିଷୟ : (ଶ୍ବଶୁର ଘର ନିର୍ଯ୍ୟାତନାରେ ଅତିଷ୍ଠ ନବବଧୂକୁ ନ୍ୟାୟ ମିଳିବା ପାଇଁ ଆବେଦନ ।)

ମହାଶୟା,

ମୁଁ ରୋଜାଲିନ୍ ମହାନ୍ତି, ସ୍ଵାମୀ: ଅରୁଣ ମହାନ୍ତି, ଗ୍ରାମ: ନଛିପୁର, ଜିଲ୍ଲା: କେନ୍ଦ୍ରାପଡ଼ା । ଆପଣଙ୍କ ଗୋଚରାର୍ଥି ନିମ୍ନ ଅଭିଯୋଗ ଜଣାଉଛି, ଯାହାକି ଆପଣ ସତ୍ୟାସତ୍ୟ ବିଚାର କରି ବିହିତ ପଦକ୍ଷେପ ନେବା ପାଇଁ ଅନୁରୋଧ କରୁଛି । ମୋର ବିବାହ ବଂଶୀଧର ମହାନ୍ତିଙ୍କ ଜ୍ୟେଷ୍ଠ ପୁତ୍ର ଅରୁଣ ମହାନ୍ତିଙ୍କ ସହିତ ୨୦୧୪ ଜାନୁୟାରୀ ୨୬ ତାରିଖ ଦିନ ସଂପନ୍ନ ହୋଇଥିଲା । ମୋର ସ୍ବାମୀ ଅରୁଣ କେନ୍ଦ୍ରାପଡ଼ାର ଏକ ଘରୋଇ ମହାବିଦ୍ୟାଳୟରେ ଜଣେ ଅଧ୍ୟାପକ ଭାବରେ କାର୍ଯ୍ୟରତ । ବରପକ୍ଷର ଦାବି ଅନୁସାରେ ମୋର ବାହାଘର ସମୟରେ ଯୌତୁକ ବାବଦରେ ଦୁଇ ଲକ୍ଷ ଟଙ୍କା, ପାଞ୍ଚ ଭରି ସୁନା ଓ ହିରୋହୋଣ୍ଡା ମଟର ସାଇକେଲ ସହିତ ଅନ୍ୟାନ୍ୟ ଆସବାବପତ୍ର ମଧ୍ୟ ଦିଆଯାଇଥିଲା । ଏହା ପରେ ମୋର ସ୍ବାମୀ ତାଙ୍କର ବେକାର ସାନଭାଇ ପାଇଁ ଚାକିରି ଯୋଗାଡ଼ ପାଇଁ ଆବଶ୍ୟକ ହେଉଥିବା ଆଉ ଦୁଇ ଲକ୍ଷ ଟଙ୍କା ଆମ ଘରୁ ଆଣିବା ପାଇଁ ମୋତେ ବାଧ୍ୟ କଲେ । କିନ୍ତୁ ଆମ ଘରର ଆର୍ଥିକ ଅବସ୍ଥା ସେତେ ଭଲ ନଥିବାରୁ ମୁଁ ଆଣିବା ପାଇଁ ମନା କରିଦେଲି । ତା ପରେ ଘରର ସମସ୍ତ ସଦସ୍ୟ ମୋ ଉପରେ ବିଭିନ୍ନ ମାନସିକ ଓ ଶାରୀରିକ ଅତ୍ୟାଚାର ଆରମ୍ଭ କରିଦେଇଛନ୍ତି । ମୋତେ ଘରର ସମସ୍ତ କାର୍ଯ୍ୟ କରିବାପାଇଁ ବାଧ୍ୟ କରୁଛନ୍ତି । ମୋର ଦିଅର ମୋତେ ମାଡ଼ମାରି । ଆଘାତ ଦେବା ସହ ମୋର ସୁନାଚୁଡ଼ି ଭାଙ୍ଗିଦେଇଛନ୍ତି । ମୋର ସ୍ଵାମୀ କିଛି ପ୍ରତିବାଦ ନକରି କେବଳ ନୀରବ ଦ୍ରଷ୍ଟା ସାଜିଛନ୍ତି । ସ୍ୱାମୀଙ୍କ ଅନୁପସ୍ଥିତିରେ ସେମାନେ ମୋତେ ପୋଡ଼ି ମାରିବା ପାଇଁ ଧମକ ଦେବା ସହ ଯୋଜନା ମଧ୍ୟ କରିଥିଲେ । କିନ୍ତୁ ପଡ଼ୋଶୀମାଉସୀଙ୍କ ଉପସ୍ଥିତ ବୁଦ୍ଧି ଯୋଗୁଁ ମୁଁ ରକ୍ଷା ପାଇଗଲି । ତାପରେ ଆମ ଘରକୁ ଫୋନ୍ କରିବାରୁ ମୋ ବାପା ମୋତେ ଆସି ନେଇଆସିଛନ୍ତି । ଆପଣ ଘଟଣାର ତଦନ୍ତ କରାଇ ସତ୍ୟାସତ୍ୟ ଅନୁସନ୍ଧାନ ପୂର୍ବକ ବିହିତ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଅନୁରୋଧ ।

ଉଲ୍ଲିଖିତ ତଥ୍ୟ ଆଧାରରେ ଦୋଷୀକୁ ଭାରତୀୟ ଦଣ୍ଡବିଧାନ ଅନୁସାରେ ଦୃଷ୍ଟାନ୍ତମୂଳକ ଦଣ୍ଡ ଦିଆଗଲେ ମୁଁ ଓ ମୋ ପରି ବହୁ ବଧୂ ନିର୍ଯ୍ୟାତନାର ଶିକାରରୁ ରକ୍ଷା ପାଇପାରନ୍ତେ ଏବଂ ଯୌତୁକ ପରି ଏକ ଭୟଙ୍କର ବ୍ୟାଧୁରୁ ସମାଜ ମୁକ୍ତ ପାଇପାରନ୍ତା ।

ଇତି

ଆପଣଙ୍କର ବଶମ୍ବଦା

ରୋଜାଲିନ୍ ମହାନ୍ତି

ଠିକଣା ଡାକଟିକେଟ୍

ପ୍ରେରକ ଗ୍ରାହକ

ରୋଜାଲିନ୍ ମହାନ୍ତି ଅଧକ୍ଷା, ରାଜ୍ୟ ମହିଳା କମିଶନ

ମାତ୍ର : ସତ୍ୟସୁନ୍ଦର ମହାନ୍ତି ଭୁବନେଶ୍ୱର

ଗ୍ରାପୋ: ଜୁବୁଲିବଜାର ଜି: ଖୋର୍ଦ୍ଧା

ଜି: କେନ୍ଦ୍ରାପଡ଼ା ପିନ୍କୋଡ୍ :

ଦୂରଭାଷ ନଂ :

Post a Comment

0Comments
Post a Comment (0)

#buttons=(Accept !) #days=(20)

Our website uses cookies to enhance your experience. Learn More
Accept !